www.swatsmn.com
سابق نائب وزیراعظم چوہدری پرویزالہیٰ بھی اپنے بیٹے رکن پنجاب اسمبلی مونس الہٰی اور دیگر پارٹی رہنماؤں کے ساتھ لندن میں موجود ہیں۔
رپورٹ کے مطابق اس اتحاد کا بنیادی مقصد نوازشریف کی حکومت کے خلاف ایک مشترکہ حکمت عملی ترتیب اور ستمبر میں لانگ مارچ کے انعقاد کو ممکن بنانا ہے۔
اسی سلسلے میں آج یعنی جمعے کو لندن میں عوامی تحریک اور مسلم لیگ ق کے وفود کے درمیان ملاقات ہوئی جس کے بعد مشترکہ پریس کانفرنس میں طاہرالقادری نے موجودہ جمہوریت کوتھری ڈی کرپٹ سسٹم قراردیا اور کہا کہ دھاندلی پرمبنی نظام کا خاتمہ کرنا ہوگا۔
انہوں نے کہا کہ موجودہ حکومت عوام تک اختیارات کبھی منتقل نہیں کرے گی۔
سربراہ پاکستان عوامی تحریک کا کہنا تھا کہ عوام کا طرز زندگی بلند کرنے والا نظام بنانے کی ضرورت ہے۔
انہوں نے کہا کہ ملک میں جمہوریت نہیں ہے بلکہ کرپشن کا نام جمہوریت رکھ دیا گیا ہے۔
'ملک میں خاندانی بادشاہت ہے،اس کو جمہوریت نہیں سجھتے۔'
اس موقع پر چوہدری شجاعت کا کہنا تھا کہ نظام کی درستگی کےلیے درست انتخابی اصلاحات کی جائیں۔
سربراہ مسلم لیگ ق نے کہا کہ پاکستان کےعوام کےمسائل حل کیےجائیں۔
No comments:
Post a Comment