کوئی معجزہ ہی پاکستان کو شکست سے بچا سکتا تھ

www.swatsmn.com

اس مرحلے پر کوئی معجزہ ہی پاکستان کو شکست سے بچا سکتا تھا اور اس معجزے کا نام تھا فضل محمود۔ وہ انگلینڈ اور فتح کے درمیان دیوار بن گئے اور پاکستان نے 24 رنز سے یہ مقابلہ جیت کر تاریخ رقم کردی۔ پہلے دورۂ انگلینڈ ہی میں سیریز برابر! ۔

پھر فضل کا جادو سر چڑھ کر بولنے لگا۔ اپنے پہلے ہی دوروں میں انڈیا اور انگلستان کے خلاف یادگار فتوحات سمیٹنے کے بعد پاکستان نے آسٹریلیا اور نیوزی لینڈ کے خلاف ہوم گراؤنڈ پر شاندار کامیابیاں حاصل کیں۔ ان کی کارکردگی کی بدولت پاکستان نے بین الاقوامی کرکٹ میں ایسی شروعات کی جو کسی ٹیم کو نصیب نہیں ہوئی تھی۔ ویسٹ انڈیز، ہندوستان، جنوبی افریقہ، سری لنکا اور دیگر ٹیموں کو اپنی پہلی فتح حاصل کرنے کے لیے کئی سال لگے لیکن پاکستان نے کوئی ایسی سیریز نہ کھیلی، جہاں وہ کوئی مقابلہ نہ جیتا ہو اور ان سب میں فضل کا کردار کلیدی تھا۔