حضرت ابوبکر صدیق رضی اﷲعنہ کے پاس ایک چورلایاگیا

حضرت ابوبکر صدیق رضی اﷲعنہ کے پاس ایک چورلایاگیا جرم ثابت ہونے پر آپ نے حکم دیا اسکا ہاتھ کاٹ دیاجائے۔ حضرت ابوبکر صدیق رضی اﷲعنہ نہایت رفیق القلب تھے،چور نے انکی طرف دیکھا عرض کی؛

خلیفہ رسول!میرے اوپر رحم کیجیے درگزر فرمائیے،میں نے اس سے پہلے کبھی چوری نہیں کی۔

ابوبکر صدیق رضی اﷲعنہ نے فرمایاۛۛ:

\"تو جھوٹ بولتاہےکہ میری پہلی چوری ہے،اس ذات کی قسم جسکے ہاتھ میں میری جان ہے اﷲ اپنے بندے کے پہلے جرماور گناہ پر اسکو کبھی سزا نہیں دیتا۔\"

انس بن مالک رضی اﷲ عنہ بیان کرتے ہیں عمر بن خطاب رضی اﷲ عنہ کے پاس ایک چور لایاگیا۔اس نے کہا:

\'اﷲ کی قسم!اس سے پہلے میں نے کبھی چوری نہیں کی۔\' 

عمر بن خطاب رضی اﷲ عنہ نے فرمایا؛

توجھوٹا ہے عمر کے رب کی قسم!اﷲتعالی اپنے بندہ کے پہلے گناہ کی بدولت اسے کبھی نہیں پکڑتا۔

اس مجلس میں حضرت علی رضی اﷲ عنہ بھی موجود تھے۔انھوں نے فرمایا کہ اﷲ تعالی بہت زیادہ حلیم وبردبارہے اور وہ اپنے بندے کو پہلے گناہ کی بدولت نہیں پکڑتا کیونکہ وہ تو رحیم اور کریم ہے۔حضرت عمر فاروق رضی اﷲ عنہ نے اپنا فیصلہ سنایا اور چور کا ہاتھ کاٹ دیا۔

ہاتھ کٹنے کے بعد حضرت علی رضی اﷲ عنہ اس چور کے پاس گئے اور کہا؛

\"تمہیں اﷲ کی قسم دےکر پوچھتاہوں کتنی مرتبہ چوری کے مرتکب ہوئے ہو؟\" 

اس نے کہا؛اکیس مرتبہ

(ماخوذ؛سنہرے فیصلے)

www.swatsmn.com