پی پی 107میں ضمنی انتخابات، دھاندلی کا راج ، بیلٹ پیپر سے بھری گاڑی پکڑی گئی
حافظ آباد(مانیٹرنگ ڈیسک ) پنجاب اسمبلی کے حلقہ پی پی 107 پنڈی بھٹیاں میں پاکستان تحریک انصاف کے کارکنوں نے مبینہ طور پر لاہور سے بیلٹ پیپر لانے والی ن لیگ کی خواتین کارکنان کی گاڑی کو روک لیا اور بتا یا گیا کہ گاڑی میں سوار یہ خواتین پولنگ سٹیشن نمبر 109پر دھاندلی کے لیے بیلٹ باکس لے کر جا رہی تھیں جبکہ دوسری طرف پولنگ سٹیشن نمبر 111پر انگوٹھوں پر لگانے والی سیاہی ختم ہونے کے با وجود پولنگ جاری ہے ۔ نجی ٹی وی کے مطابق پنجاب اسمبلی کے حلقہ پی پی 107 پنڈی بھٹیاں میں پولنگ جاری تھی جس کے دوران پولنگ سٹیشن نمبر 109پر پاکستان تحریک انصاف کے کا رکنوں نے پولنگ سٹیشن کے باہر ن لیگ کی خواتین کارکنان کی ایک گاڑی کو روک لیا جس میں مبینہ طور پر دھاندلی کے لیے بیلٹ پیپر بھر کر لائے گئے تھے ،اس موقع پر پولیس کی بھاری نفری بھی وہاں پہنچ گئی، تحریک انصاف کے کارکنوں پولیس کی موجودگی کے باوجود اس گاڑی پر پتھراﺅ کیا اور جعلی ووٹ بر آمد کرنے کا مطالبہ بھی کیا تاہم پولیس کے تعاون سے گاڑی میں سوارن لیگ کی خواتین کارکن ،جو مبینہ طور پر لاہور سے دھاندلی کے لیے بیلٹ پیپرز لے کر آئیں تھیں ،وہاں سے نکلنے میں کامیاب ہوگئیں ۔ دوسری جانب پولنگ سٹیشن نمبر 111پر انگو ٹھوں پر لگانے والی سیاہی ختم ہوگئی لیکن اس کے با وجود پولنگ جاری تھی ۔علاوہ ازیں پی پی 107پر ضمنی انتخابات کے لیے پولنگ کا عمل شام 5 بجے تک جاری ہے ، حلقے میں 154 پولنگ سٹیشن قائم کئے گئے ہیں جن میں سے20 کو حسا س قرار دیئے گئے ہیں۔ پی پی 107 میں رجسٹرڈ ووٹرز کی تعداد ایک لاکھ 75 ہزار 339 ووٹر اپنا حق رائے دہی استعمال کر سکیں گے۔ضمنی انتخابات میں مجموعی طور پر 6 امیدوار حصہ لے رہے ہیں لیکن ن لیگ کے سرفرار بھٹی اور تحریک انصاف کی خاتون امیدوار نگہت انتصار بھٹی کے درمیان سخت مقابلے کی توقع ہے۔ ووٹنگ کو پر امن بنانے کے لیے سیکیورٹی کے بھی سخت انتظامات کئے گئے ہیں جب کہ اسلحہ کی نمائش پر بھی پابندی ہے۔واضح رہے کہ 11 مئی کے عام انتخابات میں مسلم لیگ ن کے پیر سید شعیب شاہ کامیاب ہوئے تھے لیکن ان کے خلاف لاہور ہائی کورٹ میں ایک درخواست دائر کی گئی کہ کچھ پولنگ سٹیشنز پر خالی بیلٹ پیپرز کو بھی گنتی میں شامل کیا گیا جس پر ہائی کورٹ نے حلقے میں دوبارہ انتخابات کرانے کا حکم دیا تھا
www.swatsmn.com
.jpeg)
No comments:
Post a Comment