www.swatsmn.com
ملائیشین طیارہ پرخطر راستے سے کیوں گزرا، نئے انکشافات سامنے آگئے
لندن (نیوز ڈیسک) یورپین کاکپٹ ایسوسی ایشن کے صدر اور انتہائی تجربہ کار پائلٹ ”نیکو ووباچ“ کا کہنا ہے کہ ممکن ہے تباہ ہونے والی پرواز ایم ایچ 17 کو خراب موسم کی بجائے اپنا روٹ تبدیل کرنا پڑا۔ انکشاف کیا گیا ہے کہ ایم ایچ 17 کی جانب سے اختیار کیا جانے والا روٹ ملائیشین ایئرلائنز کے طیاروں کی جانب سے پچھلے چند روز کے دوران استعمال کئے جانے والے روٹ سے مختلف تھا۔ اس موقع پر جہاز روٹین کے روٹ سے کئی میل شمال کی جانب سفر کررہا تھا۔ پائلٹ نیکو کا کہنا ہے کہ معمول کے راستے پر شدید بارش اور گہرے بادل تھے اور ایسے موقع پر ایئرٹریفک کنٹرول کو اطلاع دے کر راستہ تبدیل کیا جاسکتا ہے۔ برطانوی اخبار گارڈین کے مطابق فلائٹ پلان کے مطابق جہاز نے یوکرائن سے 35 ہزار فٹ کی بلندی پر پرواز کی درخواست کی تھی لیکن دیگر ٹریفک کے باعث 33 ہزار فٹ کی بلندی پر پرواز کی ہدایت دی گئی۔ ملائیشین ایئرلائن کے مطابق پائلٹوں کے لئے مقامی حکام کی ہدایات پر عمل کرنا لازم ہوتا ہے۔ یاد رہے کہ اس سے قبل متعدد بین الاقوامی اخبارات نے الزام عائد کیا تھا کہ ملائیشین ایئرلائنز کے جہاز نے تیل کی بچت کے لئے مختصر راستہ اختیار کیا تھا۔
No comments:
Post a Comment